Qəhrəman Ana 60 yaşın mübarək !

Belə Ali dəyər daşıyıcılarından biri də Vətən Müharibəsi Qəhrəmanı Mehrab Niftəliyevin anası, Xalidə Niftəliyevadır.

Xalidə xanım ömrünü-gününü, illərini Azərbaycan təhsilinə, Azərbaycan gəncinin təlim və tərbiyəsinə həsr edən, vicdanlı, obyektiv, təəssübkeş, öz işinin peşəkarı olan, pedaqoq statusunu layiqincə daşıyan müəllimlərimizdəndir.

Xalidə xanım işlədiyi üç kollektiv arasında böyük nifuza malikdir, hər zaman Azərbaycan xanımına xas olan əqidəsi, xanımlığı, bacarığı ilə seçilmiş və bu kimi milli, mental dəyərlərin daşıyıcısı kimi hər birimizin ürəyində xüsusi bir yerə sahib olmuşdur. Bu gün Xalidə xanımın yetirmələrinin səsi-sorağı yüksək vəzifələrdən,  ali  instansiyalardan gəlir və o, hər zaman bununla qürur duymuşdur. Həyat yoldaşı hörmətli Söhrab Niftəliyevlə  birlikdə bacardıqları qədər təhsilimizin inkişafında iz qoymuşdular.

Bu gözəl insanların ən yaddaqalan və ön planda olan əsas amalı özləri də bilmədən nəhəng bir Vətən Qəhrəmanı böyütmələri olmuşdur. 44 günlük haqlı Vətən savaşının ən mübariz döyüşçülərinin biri olan Mehrab Niftəliyev son günədək zəfərimiz üçün mücadilə aparmış, son damla qanınadək döyüşmüş və ayın 8- qəhrəmancasına həlak olaraq, şəhadət zirvəsinə ucalmışdır. 

Mehrab Xalidə ananın, Söhrab atanın, onu sevənlərin ürəyinə dağ çəkərək bu həyatdan köçsə də onun xatirələri, hər sözü, hər kəlməsi bir təsəlliyə çevrilmişdir doğmaları üçün.

Xalidə xanım xatirələrindən danışarkən qeyd edirdi ki, Mehrab ona 60 illik yubileyini "Quba Cənnət Bağı" istirahət zonasında  təmtəraqla geyd edəcəyini, işlədiyi üç kollektivi ora toplayacağını və yaddaqalan bir doğum günü keçirəcəyini söz vermişdi.Əfsuslar olsun ki, Mehrabın bu arzusu ürəyində qaldı,  yarımçıq qalan ömür onun arzularını da yarı yolda qoydu. Bu gün Xalidə anamızın 60 yaşı tamam olur, 60 illik ömür yolunun, təhsil yolunun hesabatıdır.

Mehrab həyatda olmasa da bu arzunun gercək olması üçün Quba təhsili addım atır, və bu gün cox saylı müəllim ordusu Xalidə ananın 60 illik yubileyini geyd edəcəkdir. 

Bizdə Xalidə anamızı ürəkdən təbrik edir, ona uzun ömür, can sağlığı, dözüm, dəyanət, səbr, və Mehrabın gül balalarının toy-büsatını, xeyir günlərini, uğurlarını görüb, sevinməyi arzu edirik.

100 yaşayın Qəhrəman anası!