Quba rayon təşkilatının sədri Fidan Hüseynova və təşkilatın əməkdaşları şəhid ailələrini ziyarət edib

Görüş zamanı bildirilib ki, dövlətimiz tərəfindən ölkəmizin ərazi bütövlüyü uğrunda canını fəda etmiş şəhidlərimizin ailələrinə, sağlamlığını itirmiş qazilərimizə hər zaman diqqət və qayğı göstərilir. 

Dövlət başçısının tapşırıq və tövsiyələrinə uyğun olaraq Quba rayonunda da şəhid və qazi ailələri mütəmadi olaraq ziyarət olunur, mövcud problemlərin aradan qaldırılması üçün tədbirlər həyata keçirilir. Fidan Hüseynova belə qəhrəman oğul böyütdüklərinə görə şəhidin valideynlərinə təşəkkür etdi və YAP Quba rayon təşkilatı tərəfindən şəhid ailələrinə daim diqqət və qayğı göstəriləcəyini bildirdi. Şəhid ailələsinin üzvləri onlara göstərilən diqqətə görə təşəkkürlərini bildirdilər.

Xatırladaq ki, Rəvan Əliyev Ağdam, Cəbrayıl və Zəngilan uğrunda gedən döyüşlərdə iştirak edib. O,Zəngilan ətrafında aparılan hərbi əməliyyatlar zamanı 22 oktyabr 2020-ci ildə Şəhidlik zirvəsinə ucalmışdır. Azərbaycan Respublikasının Prezidenti cənab İlham Əliyevin müvafiq sərəncamları ilə Rəvan Əliyev ölümündən sonra Azərbaycanın ərazi bütövlüyünün təmin edilməsi uğrunda gedən döyüş əməliyyatlarında döyüş tapşırıqlarını şərəflə yerinə yetirdiyinə görə “Vətən uğrunda”,”İgidliyə görə” və 

“Zəngilanın azad olunması”-na görə medalları ilə təltif edilmişdir.

  İndi Zəngilandakı postlardan biri “Rəvan postu”, Quba şəhərinin küçələrindən biri “Rəvan Əliyev” küçəsi adlanır.

 Rəvan Əliyev 2020-ci ilin oktyabrın 29-da Qubanın Şəhidlər Xiyabanında dəfn olunub.

  Allah rəhmət eləsin! 

 Bütün Şəhidlərimizin  ruhu qarşısında baş əyirik!