"Müəllimlərimizi Tanıyaq" - Nadilə Heydərova

"Müəllimlərimizi Tanıyaq" rubrikamızda bu dəfə Nadilə Heydərova haqqında danışacağıq.

Heydərova Nadilə Pənah qızı 31mart 1992-ci ildə Sumqayıt şəhərində anadan olmuşdur. 2010-2014-cü illərdə Bakı Dövlət Universitetinin filologiya fakültəsinin Azərbaycan dili və ədəbiyyatı müəllimliyi ixtisası üzrə ali təhsil almışdır.

2015-ci ildə Miq imtahanında 48 bal yığıb Şamaxı rayon Nüydü kənd orta məktəbində müəllim işləmişdir.

2017-ci ildə yenidən Miq imtahanında iştirak edib 51.2144 balla İsmayıllı rayonu Surac Abbasov adına Yeniyol kənd tam orta məktəbinə işə qəbul olmuşdur. O gündən etibarən Azərbaycan dili və ədəbiyyatı müəllimi kimi həmin məktəbdə fəaliyyət göstərirəm.

İşlədiyi müddətdə bir çox layihə və vebinarlarda,təlimlərdə işləmiş, nailiyyətlər əldə etmişdir. Etvinning layihəsində 2021-ci ildə 5layihəsi həm milli, həm Avropa keyfiyyət nişanına layiq görülmüşdür.

2022-ci ildə isə qurucusu olduğu 2 layihədən milli keyfiyyət nişanı almışdır. Bunlardan əlavə Azman Təlim-tədris mərkəzinin təşkilatçılığı ilə keçirilən "İlin ən fəal müəllimi"müsabiqəsində 1-ci yerə layiq görülmüşdür, rəhbərliyi altında şagirdlərinin iştirak etdiyi "Bacarıqlı şagirdlər "müsabiqəsində 3 şagirdindən 2-si 1-ci yerə,1-i isə 3-cü yerə layiq görülmüşdür.

Müəllimlərin fəaliyyətinin stimullaşdırılması üçün keçirilən sertifikasiya imtahanından 53 bal toplamışdır.