AQTA: Bağçalarda dondurulmuş məhsullarla bağlı problem var

Məktəbəqədər təhsil müəssisələrində meyvə-tərəvəzin və quru ərzaqların ayrı anbarları olmalıdır. Xüsusilə də tez xarab olan məhsullar soyuducu kameralarda saxlanmalıdır”.
TehsilForumu.Az - ın məlumatına görə, bunu Qida Təhlükəsizliyi Agentliyinin əməkdaşı Şəhla Yusifzadə qurumun “Facebook” səhifəsindəki canlı yayımda bildirib.

• 2022-ci il üçün dövlət mükafatlarına əsərlərin (işlərin) qəbulu elan edilib
• Vikinqlərə məxsus nadir qızıl sırğa tapılıb - FOTO
• Coğrafiya İnstitutu: Kürün deltasında vəziyyət mürəkkəb olaraq qalır

Onun sözlərinə görə, təəssüf ki, bu cür tələblərə cavab verən bağçaların sayı çox azdır: “Xüsusilə tez xarab olan məhsullar, meyvə-tərəvəz, quru ərzaq hamısı eyni anbarda saxlanılır. Mal-qonşuluq prinsipi pozulur, eyni zamanda saxlama rejimlərinə düzgün əməl olunmur ki, bunun da nəticəsində ərzaq məhsullarının yararlılıq müddəti bitməmiş onlar həddindən artıq tez xarab olur.

Əsas problemlər ərzaq məhsullarının daşındığı nəqliyyat vasitəsilə logistika zamanı olur. Ərzaq məhsulları onlar üçün xüsusi təyin olunmuş avtomobillərdə çatdırılmır. Bir neçə saat yol gələrkən soyuq zəncir prinsipi pozulur. Artıq bağçalar tərkibində mikroorqanizmlər oyanmış məhsulları qəbul edirlər. Soyuq zəncir prinsipinə bağçada məhsul saxlanan zamanı da əməl olunmalıdır. Əksər hallarda bu prinsip yenə də pozulur.

Demək olar bağçaların əksəriyyətində dondurulmuş məhsullarla bağlı da problem var. Bu məhsullar -18 dərəcədə saxlanılmalıdır, bu, pozulanda məhsulun bioloji çirklənməsinə gətirib çıxarır. Bu da sözsüz ki, gələcəkdə zəhərlənməyə və digər mənfi hallara gətirib çıxara bilir”. (Apa)