İkili diplom proqramı çərçivəsində ADAU-da fəaliyyət göstərən alim mötəbər elmi mükafata layiq görülüb

TehsilForumu.Az  xəbər verir ki, TÜBİTAK İdarə Heyəti tərəfindən 2021-ci ildə 3 elm mükafatı və 14 təşviq mükafatının verilməsi qərara alınıb. Elm mükafatına layiq görülən şəxslərdən biri də üzvi kimya elm sahəsində elmi tədqiqatlar aparan və hazırda ADAU-da ezamiyyətdə olan professor Jalə Yanık olub. O, “Enerji və yanacaq sahəsində tullantı və qalıqlardan istilik prosesləri ilə, qatı yanacaq, bio-yağ, hidrogen və adsorbent istehsalı üzrə yüksək keyfiyyətli beynəlxalq tədqiqatlara görə” bu elmi ada layiq görülüb.

TÜBİTAK tərəfindən hər il elmi və texnoloji sahələrdə tədqiqat və təkmilləşdirmə fəaliyyətlərini dəstəkləmək, alim və tədqiqatçıların yetişdirilməsi və inkişafı üçün imkanlar təmin etmək məqsədi ilə "TÜBİTAK Elm, Üstün xidmət və Təşviq mükafatları" verilir.

Mükafatçıların elan olunmasından sonra ADAU-nun rektoru, AMEA-nın müxbir üzvü, professor İbrahim Cəfərov universitetin Elmi Şurasının üzvlərin də iştirakı ilə Jalə xanımla görüş keçirib, onu elmi mükafatı qazanması münasibəti ilə təbrik edərək, gələcək işlərində uğurlar arzulayıb.